Presentación da conferencia ofrecida polo ministro de Xustiza. 3 de out. de 2011
Presentación da conferencia ofrecida polo ministro de Xustiza.
“Débese aprender dos erros cometidos e por iso non se precisa de máis liberalismo e máis mercado, senón dun reforzamento do que é de todos”. Con estas palabras a favor do control público, o ministro de Xustiza, Francisco Caamaño, inaugurou cun relatorio o curso 2011/2012 do Grao en Dirección e Xestión Pública, nunha intervención na que reivindicou a supremacía do poder do Estado sobre o privado “para que os mercados se movan libremente dentro de escenarios regulados, sen provocar situacións de crise como a que se está a vivir”. O ministro, acompañado polo reitor da Universidade de Vigo, Salustiano Mato e polo presidente do Consello Social, Ernesto Pedrosa, destacou o bo facer dos xestores públicos “de aí que universidades, facultades e graos como o de Dirección e Xestión Pública sexan tan importantes para acreditar o que se pode facer dende o público”.
