San Tomé de Aquino 2017 27 de xan. de 2017

Visto 1731 veces

San Tomé de Aquino 2017

Mato referiuse ao “traballo, o compromiso e a excelencia” como valores que rexen a institución

A Universidade de Vigo celebrou este venres o acto académico que, en palabras do reitor, Salustiano Mato, “permite visualizar os mellores valores que rexen esta Universidade: o traballo, a rigorosidade, a seriedade, o compromiso e a excelencia”. Co gallo da celebración do seu patrón, San Tomé, a institución académica viguesa entregou este mediodía ao seu alumnado os premios fin de carreira, grao e doutoramento do curso 2015-2016, así como os III Premios Egeria á inclusión da perspectiva de xénero en traballos de fin de grao e mestrado, en total, preto dun cento de galardóns cos que a Universidade recoñece ao seu estudantado máis excelente. No acto celebrado na Facultade de Ciencias Económicas e Empresariais, 57 mulleres e 41 homes recibiron as insignias e medallas da Universidade que, asegurou Mato, “premia feitos, realidades, compromiso, seriedade, rigorosidade, traballo e excelencia”. A secretaria xeral da Universidade, Gloria Pena, foi a encargada de dar lectura á relación de premiadas e premiados, que xunto a familiares e representantes da comunidade universitaria encheron os asentos do salón de actos da Facultade de Ciencias Económicas e Empresariais, no que tamén se deron cita representantes dos ámbitos político, social, económico y cultural galego. Xunto ao reitor, a vicerreitora de Organización Académica e Profesorado, Ana Graña; o conselleiro de Presidencia e vicepresidente da Xunta, Alfonso Rueda; o presidente do Consello Social da Universidade de Vigo, Ernesto Pedrosa e a vicerreitora de Estudantes, Dolores Álvarez foron os encargados de presidir o acto, no que o Coro Universitario interpretou as pezas musicais Cada noite e Desde el alma, ademais do Gaudeamus Igitur.

Presenta: Salustiano Mato de la Iglesia
Reitor, Universidade de Vigo
Gloria María Pena Uris
Secretaria Xeral, Universidade de Vigo


Vídeos da mesma serie
San Tomé de Aquino 2017
Mato referiuse ao “traballo, o compromiso e a excelencia” como valores que rexen a institución
27 de xan. de 2017
Apertura do acto
Interpretación de "Cada noite eu chorando pensaba"
27 de xan. de 2017
Actuación do coro
Interpretación de "Desde El Alma"
27 de xan. de 2017
Discurso do reitor
27 de xan. de 2017
Peche do acto
Interpretación do "Gaudeamus Igitur" e desfile dos togados
27 de xan. de 2017