Segundo turno de preguntas da segunda parte 11 de xuño de 2015

Visto 721 veces

Segundo turno de preguntas da segunda parte

Tras tres anos de intenso traballo entre cinco departamentos da Universidade de Vigo, Revertia e EnergyLab, o proxecto EcoRaee conclúe cunha clara conclusión: a reutilización dos aparellos eléctricos e electrónicos é máis eficiente que a reciclaxe. Na actualidade, a meirande parte destes produtos son reciclados, fundindo as súas pezas para fabricar outros novos, pero moitas das súas compoñentes son altamente contaminantes. Organismos europeos estiman que o 4% do lixo xerado no continente é electrónico e calcúlase que para 2020 trataranse de forma inadecuada 4,3 millóns de toneladas cada ano de ordenadores, móbiles ou consolas. A reutilización xorde como alternativa ao proceso de reciclaxe, recuperando os aparellos, reparándoos e dándolles unha nova vida. Segundo as análises e demostracións levadas a cabo ao abeiro do proxecto EcoRaee nos últimos anos, non é só unha alternativa, senón que é un proceso máis eficiente e optar pola reutilización fronte á reciclaxe supón un aforro de 45 euros en custes ambientais por cada aparello tratado. Así o explicou José Antonio Vilán, comisionado para o Vigo Tecnolóxico, que fixo o balance final desta iniciativa xunto co reitor da Universidade, Salustiano Mato. EcoRaee é o sexto dos 35 proxectos seleccionados na convocatoria 2011 do programa da Unión Europea LIFE+ dentro do subprograma de política medioambiental e gobernanza. Para os tres anos de duración contou cun orzamento total de 1.269.155 €, dos que a UE achegou 622.038 €. “O obxectivo era demostrar o proceso de reutilización de RAEE dirixido a propoñer políticas de regulamentación de conformidade coa lexislación da UE”, explica Vilán. Por parte da Universidade, participaron no proxecto cinco departamentos: Enxeñaría Mecánica, Enxeñaría Eléctrica, Enxeñaría Informática, Economía Aplicada e grupo REDE e Dereito Ambiental, xunto coa Oficina de Medio Ambiente. Fonte: DUVI

Alejo Calatayud Álvarez
responsable de Comunicación, Revertia
Miguel Rodríguez Méndez
Investigador.Dpto. Economía Aplicada e Grupo GEN, Universidade de Vigo