Mesa redonda "Peóns-automobilistas". Intervención da representante do Colegio de psicólogos de Galicia 14 de out. de 2015

Efectivos da Policía Local, Bombeiros de Pontevedra e 061 achegáronse este mércores ata o campus para converterse en protagonistas do arranque do programa de sensibilización Cero Violencia Viaria, que impulsan Concello, Policía Local, Dirección General de Tráfico e Vicerreitoría do campus. Fixérono para pór a proba a súa capacidade de resposta e coordinación ante un accidente múltiple, nun simulacro que contou coa participación dos alumnos do obradoiro de teatro que promove a Vicerreitoría, e que interpretaron o papel das nove vítimas do accidente neste primeiro acto dun programa que encherá de concienciación viaria A Xunqueira nas tardes dos mércores, desde esta xornada e ata o 11 de novembro. De feito, trala celebración deste simulacro, a actividade continúa nesta xornada cunha mesa redonda sobre as relacións entre peóns e automobilistas na Facultade de Ciencias Sociais e da Comunicación, coa participación do intendente xefe da Policía Local, Danuel Macenlle; a representante do Colexio de Psicólogos de Galicia María Jesús Sánchez; e a presidenta de STOP Accidentes, Jeanne Picard, así como tamén de representantes da institución académica e dunha persoa que cumpriu unha pena de cárcere por un delito contra a seguridade do tráfico.