Facultade de Belas Artes 28 de xul. de 2017
Facultade de Belas Artes
Situada na cidade de Pontevedra, a Facultade de Belas Artes da Universidade de Vigo ofrece os estudos de Grao en Belas Artes, e os posgraos de: Libro Ilustrado e Animación Audiovisual; e Arte Contemporánea. Creación e Investigación; así como os estudos que conducen á obtención do título de doutoramento co programa: Creación e Investigación en Arte Contemporánea. A Facultade conta ademais co título propio de Estudos Superiores en Deseño Téxtil e Moda de Galicia.
A particular xeolocalización desta Facultade no noroeste da península ibérica convértea nun fito vertebrador no mapa de produción e intercambio cultural dentro do eixe atlántico da península e polo tanto tamén da comunidade europea.
