Quenda de preguntas. A Ciencia aberta en Europa 1 de xuño de 2023
Quenda de preguntas. A Ciencia aberta en Europa
Representantes de universidades de todo o Estado, dos ministerios de Universidades e de Ciencia e Innovación e da Comisión Europea déronse cita en Vigo nas I Xornadas sobre Open Science, que organizan a UVigo e CRUE Universidade Españolas.
Esta iniciativa está ligada á aposta da institución académica pola ciencia en aberto que se plasma no Plan Estratéxico 2021-2026 e se concreta na Política institucional de acceso aberto á produción científica. Coa organización deste evento a UVigo dá un paso máis e implícase nun simposio estatal no que, ao longo de dous días, diferentes especialistas achegarán os seus coñecementos e experiencia sobre un movemento, o da ciencia aberta, que ten como finalidade promover o acceso libre e gratuíto aos resultados da investigación científica e aos datos xerados por ela, para fomentar a transparencia, a colaboración e a innovación.
Fonte: DUVI
