Entrevista a Andrés Fernández, director xeral de Zendal 1 de out. de 2020

Visto 10 veces

Entrevista a Andrés Fernández, director xeral de Zendal

Feliz, “porque me encanta o meu traballo”, pero consciente da responsabilidade do reto ao que se enfronta a empresa que dirixe, asegura sentirse Andrés Fernández, o director xeral do grupo biofarmacéutico galego Zendal despois que a compañía estadounidense Novavax elixise á firma radicada en O Porriño para producir para toda a UE a vacina contra a covid-19 na que están a traballar na actualidade. Fernández, xunto ao reitor da Universidade de Vigo, Manuel Reigosa, inaugurou esta tarde no salón de actos da Facultade de Ciencias Económicas e Empresarias o ciclo Coloquios en tempos de pandemia, afondando en como enfronta a empresa que dirixe o desafío dunha produción masiva dunha vacina contra a covid-19, pero tamén achegando a súa visión sobre os cambios que a pandemia está a ocasionar na sociedade. Pola súa banda, o reitor da UVigo insistiu na súa intervención na necesidade de aproveitar o que definiu como “unha gran pedra no camiño”, en referencia á pandemia, “para colocarnos entre os mellores”, ao tempo que reiterou o esforzo realizado pola institución que dirixe para continuar, tamén agora, a dar resposta nos ámbitos da docencia, a investigación e os servizos.

No coloquio, moderado pola consultora Zaida Rodríguez, o reitor incidiu na necesidade de aproveitar os fondos comprometidos desde Europa e as capacidades desenvolvidas durante a pandemia “para colocarnos entre os mellores e poder facer de Galicia e de España un lugar mellor”. Reigosa reiterou a urxencia en renovar os cadros de persoal docente e investigador das universidades españolas, así como de que se fortaleza o sistema público/privado de innovación e desenvolvemento e se incrementen os fondos destinados á I+D.

Modera Zaida Rodríguez
Consultora
Andrés Fernández
Director General, Zendal