Quenda de cuestións: Segmentación semántica de nubes de puntos de estrada e o seu entorno cercano mediante Deep Learning 18 de out. de 2018

Visto 1 vez

Quenda de cuestións: Segmentación semántica de nubes de puntos de estrada e o seu entorno cercano mediante Deep Learning

O machine learning céntrase en crear programas capaces de xeneralizar comportamentos nas computadoras, é dicir, fai posible que estas aprendan pautas e isto ten infinidade de aplicacións prácticas en sistemas de busca, análise de textos, análise de redes sociais, recoñecemento de obxectos e caras, procesado do AND, recoñecemento da fala, analítica de datos médicos, mellora e optimización dos sistemas de produción na industria ou aplicacións para a intelixencia do negocio.

Como explica Milagros Fernández Gavilanes, coordinadora da organización, “a clave da evolución do machine learning non está nos tipos de algoritmos, que tamén inflúen, senón na rapidez coa que un sistema é capaz de procesar un gran volume de datos”. Neste sentido, indica que os retos neste campo están enfocados a poder aplicar estas tecnoloxías a novos ámbitos, “como por exemplo a ciberseguridade”.

No transcurso da xornada preséntanse máis dunha vintena de traballos científicos, divididos en catro sesións, relativas á aplicación de machine learning en eidos como a clasificación multilingüe de documentos de texto, as operadoras de telecomunicacións, a detección e tracking de obxectos en vídeo, modelos de hábitos de compra de clientes, técnicas de análise de datos na industria alimentaria, a interpretación de patróns en ondas cerebrais para o control dunha cadeira de rodas, a detección automática de marcas anatómicas na arteria aorta ou a segmentación semántica de nubes de puntos de estradas.

Jesús Balado Frías
UVIGO

Vídeos da mesma serie
Acto de apertura
18 de out. de 2018
Acto de clausura
18 de out. de 2018