Operación Mohor 15 de feb. de 2022
Operación Mohor
En 1971, en pleno conflito bélico na rexión do Sahara occidental, un grupo de entusiastas conservacionistas, liderados polo científico José Antonio Valverde, idearon o que ao cabo se coñeceu como Operación Mohor. Ao descubrir que a fauna sahariana estaba a ser exterminada e que algunhas especies, como a gacela mohor, podían extinguirse, idearon unha operación de rescate, que consistiu en trasladar exemplares ao Instituto de Aclimatación de Almería para a súa reprodución en cautividade. Para acollelas creouse o Parque de Rescate da Fauna Sahariana, no que levaron a cabo programas de cría en cautividade, asegurando así a súa supervivencia e alcanzando un tamaño de poboación que permitiu realizar ao longo dos anos diversos proxectos de reintroducción das gacelas nos seus hábitats naturais. Hoxe en día, cincuenta anos despois e baixo o amparo do Consello Superior de Investigacións Científicas, o legado destes altruístas pioneiros segue vixente.
