Estudo do valor das algas como recurso nutricional para a fauna intermareal 23 de feb. de 2017
Estudo do valor das algas como recurso nutricional para a fauna intermareal
Intervención de Luis Sampedro
Tan lonxe e tan preto ao mesmo tempo. A comunidade universitaria tivo este xoves, por segundo ano consecutivo, a prezada oportunidade de vivir ‘de preto’ a experiencia antártica e fíxoo grazas a tres dos seus profesores, Mariano Lastra, Jesús Souza Troncoso e Jesús López, do Departamento de Ecoloxía e Bioloxía Animal, e ao investigador do CSIC Luis Sampedro que, a través de videoconferencia, compartiron co alumnado e tamén cos seus compañeiros e compañeiras o seu día a día no continente máis austral da Terra. Partiron cara alí o pasado 3 de febreiro e chegaron á base do Exército de Terra Gabriel de Castilla, na Illa Decepción, hai xa dúas semanas. Dende ese momento e ata o 12 marzo realizarán neste lugar traballos de campo e experimentos de laboratorio para coñecer os efectos do cambio climático sobre as macroalgas desta zona polar, todo un auténtico laboratorio natural.
