Acto de Graduación. Escola de Enxeñería Industrial 2015 - 2019 29 de maio de 2019
Acto de Graduación. Escola de Enxeñería Industrial 2015 - 2019
Os novos titulados estiveron arroupados por numerosos familiares, autoridades e amigos
Arroupados por familiares, amigos e numerosas autoridades, a Escola de Enxeñería Industrial viviu onte un día de festa coa celebración do acto de graduación de 318 alumnas e alumnos, 318 novos profesionais que saen ao mercado dispostas e dispostos a pór todo da súa parte para incorporarse con éxito ao tecido económico e empresarial. 250 acaban de rematar as súas titulacións de grao e os demais finalizaron xa os seus mestrados: 48 o Máster de Enxeñaría Industrial; 9 o Máster en Enxeñaría de Organización e 11 os diferentes másteres profesionalizantes que oferta o centro e que inclúen temáticas como enerxía e sostenibilidade, mecatrónica, automoción, procesos de deseño e fabricación mecánica e riscos laborais.
