Intervención do padriño da IX promoción dos graos en Enxeñaría da Enerxía e Enxeñaría dos Recursos Mineiros e Enerxéticos 17 de xuño de 2022
Intervención do padriño da IX promoción dos graos en Enxeñaría da Enerxía e Enxeñaría dos Recursos Mineiros e Enerxéticos
A Escola de Enxeñaría de Minas e Enerxía celebra no paraninfo da UVigo, no edificio Ernestina Otero, os actos de graduación das tres titulacións que se imparten no centro. En total gradúanse 45 alumnos e alumnas da IX promoción do Grao en Enxeñaría dos Recursos Mineiros e Enerxéticos, da IX promoción do Grao en Enxeñaría da Enerxía e a VII promoción do Máster en Enxeñaría de Minas.
O acto de graduación conta este ano coa novidade da entrega do premio Soltec Ingenieros ao mellor expediente da anterior promoción do Grao en Enxeñaría da Enerxía, que se suma aos galardóns concedidos polos colexios profesionais aos mellores expedientes das anteriores promocións do Grao en Enxeñaría dos Recursos Mineiros e Enerxéticos (premio Coitmg) e do máster (premio Coimne).
