Presentación de D. Miguel Ángel Santalices Vieira 18 de abr. de 2018
Presentación de D. Miguel Ángel Santalices Vieira
Presentación do conferenciante
“O protocolo pode atoparse nos aspectos máis insospeitados da vida”, salienta o profesor da Facultade de Ciencias Sociais e da Comunicación Fernando Ramos, director do XVIII Curso Complementario de Comunicación e Protocolo-VII Xornadas Internacionais de Comunicación Institucional e Imaxe Pública, que os días 18 e 19 de abril abordarán no campus esta disciplina desde un “enfoque multidisciplinar”. A cortesía parlamentaria, a política internacional, os banquetes de estado ou a situación das institucións venezolanas serán nese senso algúns dos aspectos a abordar polos preto de 20 expertos e expertas que se reunirán “na actividade máis antiga desta Universidade, que se celebra sen solución de continuidade desde o ano 2001” e que congrega cada ano a preto de 200 persoas.
