Amor de Nai 4 de maio de 2021

Visto 16 veces

Amor de Nai

Audiovisual elaborado a partir da reinterpretación persoal de tres poemas de Xela Arias

Audiovisual elaborado a partir da reinterpretación persoal de tres poemas de Xela Arias.
Na primeira parte, empregamos o poema de Darío a Diario para representar a protagonista feliz de imaxinarse a si mesma coa súa pequena, paseando e amosándolle o mundo (“Imos, meu ben, camiñar sereno pola cidade sen ramplas nas aceras. Imos comeza-lo xeito da túa vida...”). Pese a anticipar que ser nai converterase nun labor esgotador, a súa ilusión supera esa expectativa e emociónase só de pensar que os signos de cansazo poderían chegar a converterse en algo divertido para a súa nena (“[...] Mesmo as bolsas dos meus ollos serán monecos dos teus días xunta min”). Unha chamada do xinecólogo encargado de efectuar o seguimento do embarazo dará comezo ao poema recollido en Intenpériome. A partir dese instante, a muller vese sumida nun círculo de estrés, frustración e desesperación, pois o seu instinto dille que algo moi malo está por sucederlle ao bebé. Comprobamos entón que ela non era máis que a unidade composta de desorde, esa da que fala Xela Arias, a torre desmoronándose que observamos ao inicio do audiovisual. O malestar repercute no seu traballo e no seu día a día en xeral, se ben consegue recompoñerse grazas ao apoio do seu marido (“[...] e dou co punto único do centro dos abrazos”) e á súa propia forza de vontade (“[...] abrazo a desorde das ideas e sei que a unidade se compón”).

Xa no hospital, o médico transmítelles á muller e mais ao seu marido a noticia e, con isto, precipitámonos cara ao desenlace da historia por medio do terceiro poema, incluído no poemario Denuncia do equilibrio. A través da dor e a tristura que a autora exterioriza coas súas palabras (“—UN TÉRMINO absoluto— un non existir que é ser pleno [...] ¿onde vingarme así de min que tantas feridas xa adoptei? ... senón partindo este meu eu en longo berro”), creamos a imaxe dunha muller completamente desolada e aflixida pola morte da nena: “¿onde senón morte acada-lo estadio lucido da disolución?”, ao punto de tolear, tirando cos seus xoguetes e coa súa roupa e berrando no balcón.

Autor/a: Iria Rodríguez
Autor/a: Adrián Rodríguez
Autor/a: Daniel Sampayo
Autor/a: Víctor Seara
Autor/a: Fernando Toja

Vídeos da mesma serie
ConXélame, destino.
Un canto ao amor libre e sa, baseado nun poema de Denuncia do equilibrio (1986), dous de Darío a diario (1996) e, finalmente, o útlimo poema de Intempériome (2003). A curtrametraxe presenta un día calquera da vida en común de Marta e Iria, dúas mozas que teñen unha relación amorosa dende hai dous anos. Nada semella poder quebrantar a súa confianza mutua ata que Iria recibe unha mensaxe sospeitosa no móbil.
4 de maio de 2021
Amor de Nai
Audiovisual elaborado a partir da reinterpretación persoal de tres poemas de Xela Arias
4 de maio de 2021
Proxecto Xela Arias
12 de maio de 2021
Marcho
12 de maio de 2021
Festa da alameda
Un grupo de amigos queda na festa da alameda de Cangas. Sentados nun banco póñense a falar de diferentes supersticións e meigas. Entón, de súpeto, un deles desaparece...
1 de xuño de 2021
O meu avó Agapito e a súa bicicleta
O meu avó é un home tranquilo, máis un día tivo a xenial ocorrencia de coller a bicicleta e ir pola aldea. Vexamos o que lle aconteceu...
1 de xuño de 2021
O mosntruo do váter
Na miña casa ás veces non imos ao váter porque a miña irmá pensa que hai un monstruo nel. Que pasará se entramos no vater? Con quen nos atoparemos?
1 de xuño de 2021
A neve é frísima
Ao carón da lareira a avoa Amparo cóntalle á súa neta historias da xente da aldea, por exemplo, historias da muller más vella da aldea, a Barreira. Tamén relata outros contos de crenzas e supersticións galegas.
1 de xuño de 2021
A neve é frísima. Versión con monecos
Unha neta moi noviña escoita abraiada as historias que lle conta a avoa sobre as supersticións: mal de ollo, gato negro, as meiguiñas. No transcurso da narración, a nena vai aprendendo todos os remedios naturais para doenzas como a herba luisa, o eucalipto, etc., que moito lle han de servir para a vida.
1 de xuño de 2021