Apertura 13 de abr. de 2022
Apertura
Promoción cultural e Tradución. Feiras internacionais do libro e convidados de honra
A crecente internacionalización dos mercados implica o desenvolvemento de novos mecanismos de promoción dos bens culturais. Os cambios adoptados nas feiras Internacionais do libro son un reflexo de como se modifican no tempo e no espazo os diferentes elementos que conforman o circuíto editorial. Estas son algunhas das reflexións que atoparán as lectoras e lectores no libro Promoción cultural y Traducción. Ferias internacionales del libro e invitados de honor, editado polas profesoras Iolanda Galanes e Ana Luna, da Universidade de Vigo, e Carmen Villarino, da Universidade de Santiago de Compostela. A obra preséntase nun acto virtual que contará coa participación das tres editoras, ademais de con algunhas das persoas que colaboraron nesta monografía.
