Quenda de preguntas. Bestiario diverso de personaxes normais 18 de out. de 2022
Quenda de preguntas. Bestiario diverso de personaxes normais
Coeducamos? Con esta pregunta de fondo lánzase na Facultade de Educación e Traballo Social do campus de Ourense unha nova edición, a oitava, do seu Ciclo de Literatura Infantil e Xuvenil. Cada martes do mes de outubro desenvolverase neste centro unha conferencia que permitirá establecer un diálogo directo entre o público interesado, sobre todo as e os futuros mestres e mestras que se forman no campus, e as creadoras ou creadores de obras para as e os lectores máis novos.
A actividade está organiza como en anteriores ocasións pola profesora da Facultade de Educación e Traballo Social da UVigo Isabel Mociño e conta co apoio da Vicerreitoría do Campus de Ourense, da Facultade de Educación e Traballo Social e da Asociación de Escritoras e Escritores en Lingua, que colabora con este ciclo ao abeiro do convenio que ten coa Secretaría Xeral de Política Lingüística da Xunta de Galicia.
Fonte: DUVI
