Redución da contaminación marítima 28 de nov. de 2025

Un dos principais problemas actuais é a contaminación ambiental, sobre todo en mares e praias de cidades costeiras. A pesar dos esforzos, a implicación cidadá e institucional para mellorar a saúde ambiental segue sendo mínima.
A partir dos resultados obtidos nas enquisas realizadas podemos observar que hai tres focos principais do problema: un limitado coñecemento social achega do impacto real que a contaminación marítima xera na calidade de vida das zonas costeiras, unha escasa implicación cidadá en accións e actividades orientadas á conservación e protección do medio
ambiente, e por último, unha gran falta de formación e hábitos adecuados de reciclaxe, o cal dificulta a adopción de condutas sostibles.
Como resposta a esta adversidade, xorde o proxecto de Escudo Mariño con dous obxectivos principais. Por unha banda, levar a cabo unha campaña de educación ambiental orientada a incrementar o coñecemento social sobre a contaminación marítima e fomentar a adopción de condutas responsables. Doutra banda, exponse o deseño de *recolectores flotantes que aproveitan
as correntes naturais para capturar residuos superficiais sen necesidade de consumo enerxético, contribuíndo así a unha limpeza eficiente e sostible da contorna mariña.
Este sistema combina unha innovación tecnolóxica coa participación da sociedade para promover un cambio real nos hábitos dos cidadáns co obxectivo de protexer os ecosistemas costeiros e fortalecer a conciencia ambiental da poboación.