CONECTA +: Comunicación Post-Operación 28 de nov. de 2025

O estudo busca desenvolver unha solución que permita mellorar a comunicación de pacientes recentemente operados de intervencións que afectan á boca e que, temporalmente, non poden falar, facilitando a súa interacción con familiares e persoal sanitario.
Realizouse un estudo descritivo mediante entrevistas e enquisas a pacientes e profesionais hospitalarios para identificar problemas reais, limitacións dos métodos actuais e necesidades comunicativas específicas durante o posoperatorio. Recompiláronse datos sobre situacións de incomunicación, barreiras físicas e cognitivas, e recursos dispoñibles en centros hospitalarios. Os datos evidenciaron que os métodos tradicionais non son suficientes e xeran frustración tanto en pacientes como no persoal.

Como resposta, proponse CONECTA+, unha aplicación dixital que integra iconas, textos breves e un sistema de selección mediante seguimento ocular, permitindo elixir mensaxes coa mirada e un *parpadeo. A ferramenta ofrece ademais alternativas de baixa tecnoloxía (taboleiros, pulsadores e pictogramas simplificados) para adaptar a comunicación a diferentes capacidades e garantir accesibilidade universal. Ademais, permite tamén engadir as túas contas de plataformas *streaming co fin de permitir ver as túas series favoritas.

CONECTA+ permite unha comunicación rápida, clara e sen esforzo, mellora a estancia hospitalaria e devolve autonomía e tranquilidade aos pacientes recentemente operados.