Presentación dos resultados de prácticas do alumnado da Universidade de Vigo no curso 2014-15 11 Mai, 2016

Visto 1147 veces

Presentación dos resultados de prácticas do alumnado da Universidade de Vigo no curso 2014-15

Industrias Ferri acolleu este mediodía a presentación do I Premio Ricardo Fernández á creatividade industrial

Entrar en contacto e entender mellor a contorna profesional antes de incorporarse a ela, son dúas das principais achegas das prácticas preprofesionais ao alumnado universitario, que a través delas tamén é quen de comprobar in situ a relación entre as titulacións que estudan e a realidade profesional. Mentres, no caso das empresas ou institucións, as prácticas son un xeito de poñer a proba a xente nova, testando coñecementos, capacidades e actitudes e preseleccionar persoas que poden ter un encaixe profesional nestas firmas ou entidades. O pasado curso 2014/2015 un total de 4196 estudantes da Universidade de Vigo realizaron prácticas, tanto curriculares, como extracurriculares. Se no primeiro caso as prácticas están configuradas como actividades académicas integradas como materias dun plan de estudos con carácter obrigatorio ou optativo, no das extracurriculares, trátase de prácticas que se desenvolven de xeito voluntario durante o período de formación e que, aínda tendo a mesma finalidade que as curriculares, non forman parte do plan de estudos. A suma das curriculares e das extracurriculares e a aplicación de Boloña tradúcese na práctica en que a ratio de cobertura das prácticas (número de estudantes que realizaron prácticas respecto do número de egresados e egresadas ese mesmo curso) achégase ao 100%.

Presenta: Patricio Fernández
Director xeral, Industrias Ferri
Elia Rodríguez
Coordinadora da Oficina Técnica, Industrias Ferri
Jéssica Iglesias
Enxeñeira e bolseira da Universidade de Vigo na Oficina Técnica de Industrias Ferri
Salustiano Mato de la Iglesia
Reitor, Universidade de Vigo
Vídeos da mesma serie