Presentación dos ponentes 7 de mar. de 2019

Visto 37 veces

Presentación dos ponentes

O financiamento, a captación e a fuga de talento, a comunicación, o acceso en aberto ao coñecemento, os modelos de gobernanza, a carreira investigadora, o modelo de universidade... estes son algúns dos grandes retos que afronta a política científica. Para afondar no debate sobre cal debe ser o futuro en I+D e para as propias universidades, o campus de Ourense acolleu unha mesa redonda na que, baixo o título A universidade cara a excelencia científica, sete investigadoras e investigadores de excelencia, todos eles e elas co selo Highly Cited Researchers, expuxeron a súa visión sobre estas cuestións.

A mesa, que estivo presidida por Manuel Reigosa, reitor da Universidade de Vigo e moderada por María Belén Rubio, vicerreitora de Investigación da Universidade de Vigo, contou coa participación de Jesús Simal, catedrático de Nutrición e Bromatoloxía da Universidade de Vigo; Maurizio Battino, investigador distinguido na Universidade de Vigo experto en bioquímica; David Posada, catedrático do Departamento de Bioquímica, Xenética e Inmunoloxía da Universidade de Vigo; Luis Liz Marzán, director científico do CICbiomaGUNE, no País Vasco, e Juan José Nieto, catedrático de Análise Matemática da Universidade de Santiago de Compostela. Completaron o panel Lillian Barros e Isabel Ferreira, procedentes do Centro de Investigação de Montanha (CIMO) do Instituto Politécnico de Bragança, en Portugal, experta a primeira en fitoquímica, bioquímica e química analítica e a segunda en química e tecnoloxía de produtos naturais.

As e os participantes na mesa foron incluídos nalgún momento na Highly Cited Researchers List, o listado anual das e dos investigadores máis citados elaborado por Clarivate Analytics e baseado nos traballos publicados e citados durante a última década. Durante a súa autopresentación as e os investigadores participantes no debate destacaron como este logro, e en xeral o maior logro nas súas respectivas traxectorias, foi contar con equipos que fixeron posible este traballo e os avances acadados nas súas respectivas áreas de coñecemento, facendo fincapé na satisfacción que supón obter resultados que logo teñen un impacto positivo na vida real das persoas.

Reitor, Universidade de Vigo
Vicerreitora de Investigación, Universidade de Vigo
David Posada
Catedrático do Departamento de Bioquímica, Xenética e Inmunoloxía, Universidade de Vigo
Luis Liz Marzán
Director científico, CICbiomaGUNE
Juan José Nieto
Catedrático de Análise Matemática, Universidade de Santiago de Compostela
Lillian Barros
Fitoquímica, bioquímica e química analítica, Centro de Investigação de Montanha (CIMO) do Instituto Politécnico de Bragança
Isabel Ferreira
Química e tecnoloxía de produtos naturais, Centro de Investigação de Montanha (CIMO) do Instituto Politécnico de Bragança
Maurizio Battino
Director do Nutrition and Food Science Group, Universidade de Vigo
Jesús Simal Gándara
Catedrático de Nutrición y Bromatología, Universidade de Vigo