Orientación sobre admisión, preinscrición e matrícula 22 de xuño de 2021

Visto 30 veces

Orientación sobre admisión, preinscrición e matrícula

Conferencia

A piques de rematar os exames e de presentar os traballos fin de grao, son moitos os estudantes que están xa a pensar no seu futuro inmediato, ben no mundo laboral, ben continuando os seus estudos. Pensando nos que están barallando esta última opción, a Universidade de Vigo organizou este martes unha Xornada de Orientación de Máster. Arredor dun cento de estudantes participaron nun evento virtual da man de Susana Rodríguez Barcia, directora da Área de Captación de Alumnado e Manuel Fernández Cruz e Antía Priego, do Servizo de Xestión de Estudos de Posgrao.

Eles foron os encargados de presentar a oferta para o próximo curso, que comprende 53 mestrados e 1677 prazas, sen apenas modificacións respecto deste curso 2020-2021, coa excepción de Máster en Sistemas Aeréos non Tripulados, que é unha evolución do mestrado que xa se oferta de Operacións e Enxeñaría de Sistemas Aéreos non Tripulados.

Fonte: DUVI

Presenta: Susana Rodríguez Barcia
Directora da Área de Captación de Alumnado, Universidade de Vigo
Manuel Fernández Cruz
Xefe de Sección de Mestrado, Universidade de Vigo
Antía Priego Iglesias
Xefade Negociado de Máster, Universidade de Vigo