III edición Premios GirlGeekCovid 9 de feb. de 2023
III edición Premios GirlGeekCovid
Cátedra de Feminismos 4.0
Da 7615 persoas que estudan carreiras do eido científico e tecnolóxico na Universidade de Vigo, só o 32% son mulleres. En cambio, a cifra global de alumnas na institución é do 52%. Estes datos demostran que segue persistindo unha fenda xénero e uns estereotipos que inflúen á hora de elección dos estudos. Para fomentar a presenza feminina neste tipo de carreiras, a Universidade de Vigo e a Deputación de Pontevedra puxeron en marcha hai tres anos os Premios GirlGeekCovid. Esta iniciativa, que se insire no marco da Cátedra de Feminismos 4.0, busca poñer en valor os mellores expedientes femininos nas carreiras de ciencias e enxeñaría da UVigo, recoñecendo así o seu esforzo e visibilizándoas como referentes para futuras xeracións.
Fonte: DUVI
