Acto de Graduación. Escola de Minas e Enerxía 2020 - 2024 21 de xuño de 2024

O venres 21 de xuño de 2024 celebrouse no Paraninfo da Universidade de Vigo o acto de gradación das undécimas promocións dos Graos en Enxeñería da Enerxía e en Enxeñería dos Recursos Mineiros e Enerxéticos, así como da novena promoción do #Máster Universitario en Enxeñería de Minas. O evento estivo presidido polo Vicerreitor de Profesorado e Ordenación Académica, Don Martín López Nores; o Alcalde de Vigo, Don Abel Caballero Álvarez; a Vicepresidenta do Ilustre Colexio Oficial de Enxeñeiros Técnicos de Minas de Galicia, Dona Miriam Couso Pérez; o Decano do Ilustre Colexio Oficial de Enxeñeiros de Minas do Noroeste, Don Juan José Fernández Díaz; e a Directora da Escola de Enxeñería de Minas e Enerxía, Dona Elena Alonso Prieto. Don Francisco Javier Deive Herva e Dona Xenerosa Fernández Manín actuaron como padriños das promocións de grao e #máster, respectivamente.
A lección maxistral foi impartida por Dona Nuria Mouronte Baltar, consultora en xestión de proxectos en Zabala Innovation Consulting. Dona Ana Portas Vasco e Javier Dopico Alfonsín falaron en nome do alumnado de grao. Neste acto, a empresa SOLTEC entregou un premio ao mellor expediente da décima promoción do Grao en Enxeñería da Enerxía, e os Ilustres Colexios Oficiais de Enxeñeiros Técnicos de Minas e de Enxeñeiros de Minas do Noroeste outorgaron os premios aos mellores expedientes do Grao en Enxeñería dos Recursos Mineiros e Enerxéticos (décima promoción) e do #Máster en Enxeñería de Minas (oitava promoción), respectivamente.

O acto estivo amenizado polo grupo musical de Carmen Rosende, e tras a súa finalización, ofreceuse un aperitivo na azotea da biblioteca central.
Fonte: EME