Podemos vivir sen as redes sociais? Botón vermello RTVE á carta 3 de feb. de 2021
Podemos vivir sen as redes sociais? Botón vermello RTVE á carta
Os humanos somos seres sociais que necesitan comunicarse. Redes sociais sempre existiron pero agora, no mundo dixital, cambian as regras do xogo. As redes sociais dixitais ofrecen moitas posibilidades e, como ferramentas que son, non son nin boas nin malas, depende do uso que fagamos delas.
A través das redes sociais accedemos a información de todo tipo e comunicámonos con persoas, empresas, institucións ou partidos políticos. O difícil é saber diferenciar as informacións veraces das falsas, por iso xa hai estudos centrados nos usos das redes sociais.
Outros estudos céntranse en como axudar a comunicarse mellor, como aplicalas para solucionar problemas relacionados coa saúde ou como evitar a adicción ás redes.
Todo apunta a que no futuro as redes serán cada vez máis visuais e formarán máis parte da nosa rutina diaria, se é que iso é posible. Os usuarios teremos que estar preparados e protexidos para poder gozar das súas vantaxes sen correr riscos.
