Son o mesmo alimentación e nutrición? 20 de ago. de 2021
Son o mesmo alimentación e nutrición?
Sabemos dabondo que unha boa alimentación é fundamental para a nosa saúde. O que quizá non saibamos é que significa exactamente, que alimentos teñen os nutrientes que necesita o noso organismo para que esteamos sans. Grazas á ciencia, cada día sabemos máis, pero debemos fuxir das informacións falsas que prometen resultados milagrosos.
Moitas enfermidades crónicas están relacionadas coa alimentación. Unha das máis evidentes é a obesidade: unha epidemia no mundo occidental e, curiosamente, en países con tradición de dieta mediterránea. Os cambios na sociedade e o sedentarismo afectan, e é necesario tomar medidas desde os primeiros meses de vida.
O que comemos é máis importante do que parece. A ciencia proponse mellorar os alimentos que tomamos para que cumpran funcións específicas.
Na nosa man está adquirir e transmitir hábitos saudables seguindo sempre o consello dos expertos.
