Universo Sostible. Como será o coche do futuro? 3 de nov. de 2021
Universo Sostible. Como será o coche do futuro?
Aínda que nos pareza imposible, xa hai case dous séculos que se tentou cambiar o uso de combustibles derivados do carbón ou do petróleo. Hoxe en día, a investigación en busca de combustibles máis sostibles é unha das liñas máis importantes e esperanzadoras nas universidades que traballan en automoción.
Actualmente trabállase en eliminar as emisións contaminantes dos vehículos e en reducir o seu peso para minimizar o consumo. Por outra banda, tamén se avanza na autonomía dos vehículos e en como pode afectar as infraestruturas que xa existen.
Todos estes avances tan prometedores teñen que ir acompañados de normativas capaces de proporcionar seguridade e confianza aos usuarios, que son quen terá a última palabra.
