Bioquit: produción sostible de composites de quitosano a partir de residuos de marisco 3 de maio de 2023

O marisco é un produto consumido en grandes cantidades en zonas onde o mar ten unha gran influencia e é en lugares como na nosa comunidade, Galicia, que o marisco desempeña un papel crave na gastronomía e cultura local.

Ao redor dun 50\% do peso do propio marisco que se compra, tírase o lixo porque non se come. O uso típico dos residuos nas zonas rurais é tiralo directamente á horta como un fertilizante mediocre, aquí empeza a transformación deses residuos de escasa utilidade nun polímero derivado da estrutura básica dos exoesqueletos dos artrópodos que, mesturado cos materiais adecuados e tratado de maneira correcta, pode dar lugar a uns materiais de nova creación con aplicacións máis aló das imaxinadas.

O produto de interese a extraer dos residuos é a quitina que, tras pasar un proceso químico, dá lugar ao quitosano. Este heteropolímero é usado amplamente en diferentes industrias como a estética, onde a súa capacidade de reter humidade convérteo nunha parte esencial de cremas; ou na odontolóxica, para crear empastes. Pero onde realmente destaca é na industria médica, onde grazas as súas capacidades hemostáticas está a utilizarse en vendaxes tal e como mostran estudos recentes e este proxecto quere representar o papel na realidade, o cemento óseo. Este “biocomposite” enriquecido con quitosano presenta unhas características superiores ao cemento óseo convencional en diversos aspectos, permitindo unha cura máis rápida.