Invernadoiros verticais para a produción de brotes de mezclum 3 de maio de 2023

Tendo en conta que as verduras de folla verde son o terceiro tipo de hortaliza
máis consumido a nivel mundial, segundo un estudo realizado en 2021, o obxectivo de \{Vertical
Green} é conseguir unha selección exclusiva de brotes de 4 variedades diferentes (leituga vermella, leituga verde, cóengos e espinacas) dunha forma máis sostible ao realizarse de maneira vertical, co que se aproveita o espazo en altura.

Esto supoñería unha redución da superficie utilizada e da consecuente talla e destrución de espazos naturais para a agricultura. Usarase un sistema hidropónico de fluxo e refluxo cun sistema pechado para o crecemento dos brotes, mentres que a auga utilizada provirá dunha empresa próxima de cocción de verduras. Así se aforra unha gran cantidade de auga e favorécese a economía circular. Unha vez cultivados os brotes, envásanse en bolsas de 150 gramos para ser distribuídas por Galicia, nun comercio de proximidade.

A empresa atópase nun polígono de Silleda, Pontevedra. Foi construída a partir dunha antiga granxa, que foi restaurada e ampliada para a creación dun invernadoiro con teito translúcido, o cual permite a entrada de luz para así facer uso da enerxía solar. Contará ademais cun laboratorio propio para realizar análise de calidade periodicamente.

O orzamento inicial necesario para levar a cabo este proxecto é de 156.211,64 euros. Esto inclúe o equipamento e a maquinaria necesarios, así como a prestación de servizos en canto á realización do presente proxecto.