Producción de Peelastic 3 de maio de 2023

A contaminación por plástico é, actualmente, un dos factores máis preocupantes en relación coa saúde e o futuro ambiental. A nivel mundial, este material é un dos máis utilizados, sendo á súa vez un dos máis agresivos debido á súa lenta degradación e á súa composición química. Entre os impactos ambientais máis frecuentes pódese destacar: a contaminación acústica, do aire, das augas, a xeración de residuos e a perda da biodiversidade.

Por todo iso, con obxecto de minimizar o uso do plástico convencional, xorde {Peelastic}, empresa cuxa finalidade é proporcionar un material moito máis sostible e menos daniño para o medio ambiente. Este bioplástico, composto principalmente por celulosa bacteriana producida pola cepa {Gluconacetobacter xylinus,} reprodúcese de forma natural en presenza de residuos orgánicos, utilizándose neste caso a casca de laranxa como fonte de carbono.

Peelastic pretende dar a coñecer unha nova perspectiva máis ecolóxica de ver o mundo ao utilizar este residuo como materia prima para un proceso produtivo, materia que en condicións normais sería refugada. Unha das aplicacións principais deste material biodegradable é a produción de bolsas e utensilios, observándose, ademais, que se degrada na súa totalidade nun curto período de tempo sen provocar danos ao medio ambiente.