Acuapioneros: Planta de acuaponía 3 de maio de 2023

A situación hídrica en España, que sofre cada vez máis o impacto das secas, carrexa perdas económicas para agricultores e empresarios. Para solucionar esto e fomentar a produción doutros produtos, expomos unha empresa, Acuapioneros, e recorremos ao cultivo en acuaponía, unha técnica que fusiona a hidroponía e a acuicultura nun sistema de recirculación. Este modelo serve para producir de forma sostible alimentos de alto valor nutritivo mediante principios de reutilización de augas residuais, integración de sistemas acuícola-agrícola e de obtención de produtos sans cun importante impacto socioeconómico no ámbito local.
O noso obxectivo principal é o cultivo e a venda de carne de carpa común, así como de leituga, o que permitirá amortecer certos gastos e optimizar o rendemento do sistema de acuaponía, o que permitirá un aforro do 90 \% da auga empregada para os devanditos cultivos. Tamén se prevé un aforro debido á cría dos nosos propios alevíns, o que permitirá que a planta sexa autosuficiente nese aspecto dentro de 10 anos e que elimine a pegada de carbono do seu transporte.
Os potenciais compradores da carne de carpa serían os restaurantes de comida asiática, un negocio en auxe en España, onde, ademais, a acuicultura non se centra nas carpas, o que obriga a importar todas as que se consomen.
A empresa completarase cun laboratorio de I D que se encargará de abaratar os gastos do penso mediante a fabricación dun de calidade e de economía circular.