Produción de bioplásticos con fins sanitarios 3 de maio de 2023

Na actualidade, a utilización de plásticos petroquímicos dun só uso está cada vez máis presente na nosa rutina diaria. Estes plásticos son moi contaminantes para o medio ambiente e tardan miles de anos en degradarse. Ademais, cada vez é máis escasa a materia prima da que se obtén.

A nosa empresa, para combater a utilización de materiais tan nocivos para o medioambiente, céntrase na produción de bioplásticos a partir dos residuos da industria láctea. Deste xeito, ademais de reciclar os residuos lácteos altamente contaminantes para a natureza, conséguense produtos biodegradables e de gran utilidade para o ser humano, evitando a utilización de plásticos dun só uso.

Estudouse que bacterias polimerizadoras como \textit{Bacillus megaterium} son capaces de producir poli-$\beta$-hidroxibutirato (PHB), un bioplástico cun gran potencial. Ademais, estes bioplásticos teñen un tempo de degradación de entre 4 e 6 meses. Por tanto, a finalidade da nosa empresa é producir bioplásticos en forma de pellets para a súa futura utilización no ámbito sanitario, concretamente en material sanitario temporal como poden ser as suturas, as lente de contacto ou as próteses temporais. Desta forma, unha vez o produto cumpra a súa función degradarase con maior facilidade sen tardar así miles de anos en descompoñerse.