Dispensador intelixente de medicamentos 28 de nov. de 2024
Dispensador intelixente de medicamentos
Conferencia
A medida que as persoas envellecen, é normal que afronten retos relacionados coa memoria e coa organización dos seus tratamentos. Por iso, a nosa proposta céntrase no desenvolvemento dun sistema intelixente de dispensación de medicamentos que non só facilite o almacenamento dos medicamentos, senón que garantice que quen o utiliza tome as súas doses nos horarios indicados polos seus médicos.
O noso sistema pódese programar facilmente, permitindo aos coidadores ou familiares configurar recordatorios personalizados. Ademais, o dispositivo emite alertas sonoras ou visuais para lembrar ao usuario cando debe tomar os seus medicamentos. Así mesmo, inclúe funcionalidades adicionais como o seguimento da inxesta de medicamentos, que xera un rexistro que pode ser revisado polos profesionais sanitarios, o que contribúe a unha mellor xestión da saúde do usuario.
