Desenvolvemento de aplicación para a consulta de aforos en tempo real 3 de dec. de 2021

As actuais limitacións no aforo dos locais de lecer nocturno, impostas a raı́z do Covid-19, incrementaron os tempos de espera para entrar a estes establecementos, facendo aínda máis frecuente a formación de grandes aglomeracións nas entradas. Trátase dun problema xa que se xeran posibles focos de contaxio e elevados ruídos nas rúas
próximas aos locais, que pode provocar queixas por parte dos veciños.
Tras a realización dun estudo de mercado por medio de enquisas, observamos que a problemática citada anteriormente é unha realidade. Neste proxecto exponse o desenvolvemento dunha aplicación que permita ao usuario coñecer a ocupación en tempo real de locais de lecer nocturno para facer fronte a esta situación.
A aplicación consiste nunha interface gráfica, onde visualizar nun mapa a dispoñibilidade, en tempo real, dos locais do teu ao redor. Grazas a unha escala de cores, mostramos ao usuario final a ocupación dos establecementos. Por exemplo: vermello se é superior a un 95 %, amarelo se é superior ao 70 % e verde se é inferior ao 70 %. A aplicación contén filtros de procura por prezo de entrada, tipo de música ou o principal: dispoñibilidade en directo.