Instalación de marquesiñas de protección peonil na área de estacionamento. 27 de mar. de 2026

O estudo céntrase na percepción do alumnado e os docentes da Escola de Enxeñería Industrial da Universidade de Vigo sobre as condicións do aparcadoiro do centro en situacións meteorolóxicas adversas, principalmente choiva e vento. O obxectivo é determinar o efecto que ten nos usuarios a falta dun itinerario cuberto e seguro desde o aparcamento ata o edificio, tendo en conta a comodidade, seguridade peonil e desenvolvemento de eventos do campus. Para iso realizáronse diferentes enquisas e entrevistas presenciais a estudantes e docentes, analizando frecuencia de uso, valoración xeral da infraestrutura e o efecto da choiva, entre outros.
Os resultados mostran a insatisfacción dos usuarios, ao redor do 66% describen a incomodidade, frustración e preocupación por esvaróns, especialmente en escaleiras, debido á choiva. Ademais, o tempo de chegada
ao edificio e a manipulación de mochilas e dispositivos electrónicos vese afectada significativamente.
As propostas de mellora máis demandadas son a instalación de cubertas no aparcamento e entrada, xunto cunha mellor iluminación, aumentando así a seguridade. Todo iso confirma a necesidade de intervir no itinerario para garantir comodidade e accesibilidade ao centro e seguridade na zona