Drons para a Loita contra Incendios Forestais 27 de mar. de 2026

Os incendios forestais representan un dos principais problemas ambientais e sociais en Galicia, debido á súa frecuencia, rápida propagación e o impacto que xeran sobre o territorio e as comunidades locais.
Obxectivo: O obxectivo deste traballo é analizar o potencial do uso de drons como ferramenta de prevención e vixilancia para mellorar a detección temperá de incendios nos montes galegos. Métodos e materiais: O proxecto desenvolveuse seguindo a metodoloxía de Design Thinking, centrada na identificación de necesidades reais dos usuarios. Para iso realizáronse
entrevistas a distintos axentes implicados, entre eles traballadores forestais, bombeiros e persoas afectadas por incendios en zonas rurais. A partir da información recompilada identificáronse os principais problemas
relacionados coa vixilancia e detección de incendios en áreas forestais.
Resultados e discusión: Os resultados mostran que a detección tardía e a dificultade de acceso a determinadas zonas complican a actuación rápida de los servizos de emerxencia.
A utilización de drons equipados con cámaras térmicas e sistemas de monitorización permitiría realizar patrullas aéreas periódicas, cubrir grandes superficies e detectar focos de calor en fases iniciais. Conclusións: A incorporación de drons como sistema complementario de vixilancia forestal pode mellorar a prevención e a detección temperá de incendios, contribuíndo
a reducir o seu impacto ambiental, económico e social.