Eco-Lóxica: Deseñar para Non Dubidar 27 de mar. de 2026

O presente estudo ten como obxectivo mellorar a correcta clasificación de residuos mediante o desenvolvemento dunha solución dixital que reduza a incerteza dos usuarios ao momento de decidir en que contedor depositar cada produto. A investigación xorde a partir da análise das dificultades presentes no sistema actual de reciclaxe, relacionadas principalmente coa falta de claridade nos criterios de clasificación, a diversidade de perfís de usuario e as limitacións comunicativas do sistema de contedores.
Para abordar esta problemática levouse a cabo unha metodoloxía mixta baseada en entrevistas, enquisas e observación directa a distintos perfís de usuarios, o que permitiu identificar barreiras cognitivas, de comprensión e de accesibilidade que inflúen na toma de decisións durante o proceso de reciclaxe. A partir dos resultados obtidos desenvolveuse Recicla Doado, unha aplicación móbil orientada a facilitar a identificación do contedor adecuado para cada residuo. A ferramenta permite realizar procuras mediante introdución de texto, recoñecemento de voz ou escaneo do produto coa cámara do dispositivo. Así mesmo, incorpora unha guía de contedores con exemplos de residuos e un historial de consultas que favorece a aprendizaxe progresiva do usuario. Como conclusión, a aplicación facilita a correcta clasificación de residuos mediante unha interface accesible, intuitiva e inclusiva,
contribuíndo a mellorar a comprensión do sistema de reciclaxe e a fomentar prácticas de xestión responsable dos residuos.