RoadAlert 27 de mar. de 2026

Hoxe en día, enfrontarnos a unha avaría na estrada é unha auténtica crise de deseño sistémico. As ferramentas que supostamente deben salvarnos non só fallan en visibilidade, senón que nos obrigan a xogarnos a vida expoñéndonos
a un atropelo. Este traballo ten como obxectivo deseñar un sistema de sinalización viaria que aumente a distancia de anticipación ante incidentes, reducindo o risco de atropelo e a ansiedade do condutor fronte á ineficacia dos sistemas actuais.
Realizáronse entrevistas e enquisas a condutores diarios, transportistas e axentes da Garda Civil para avaliar a percepción real sobre a baliza V16 e o triángulo. Tras comprender o problema, o estudo de viabilidade e implantación centrouse nos Tramos de Concentración de Accidentes (TCA) oficiais na área de Vigo, concretamente na autovía A-55 e a autoestrada
AP-9. Como resposta a esta problemática, desenvolveuse Road Alert", unha infraestrutura activa composta por postes solares autónomos situados cada 500 metros. Estes paneis LED, sincronizados mediante a xeolocalización do vehículo avariado, emiten avisos previos luminosos á altura da vista ata 1.000 metros antes do perigo, trasladando a alerta do coche á vía.
En conclusión, o sistema Road Alert resolve a falta de visibilidade actual e evita a exposición física mediante unha comunicación viaria *proactiva.