Cociña sostible: Redución do desperdicio alimentario 7 de mar. de 2025

Este estudo propón o desenvolvemento dunha aplicación móbil innovadora que,
mediante intelixencia artificial, xera receitas personalizadas a partir dos
ingredientes dispoñibles no fogar, enviando notificacións oportunas para
previr o desperdicio alimentario e promovendo unha xestión sostible en contornas
individuais e familiares.
Realizouse un estudo cualitativo mediante entrevistas en profundidade a estudantes,
traballadores e familias. A mostra, composta por 10 participantes,
permitiu analizar hábitos de compra, almacenamento e consumo de alimentos,
identificando dificultades na planificación de compras e no
manexo adecuado de produtos perecedoiros.
A aplicación proposta integra notificacións intelixentes, alertas de caducidade
e receitas adaptadas aos produtos dispoñibles, ademais de ofrecer
versións específicas para familias e usuarios con limitacións de tempo, facilitando
a creación de menús saudables e opcións de pratos preparados.
A solución tecnolóxica presentada posiciónase como unha ferramenta
efectiva para optimizar o uso de alimentos e fomentar prácticas sostibles
no fogar. A integración de funcións personalizadas reforza o seu potencial
impacto, e recoméndase realizar estudos a longo prazo para avaliar a súa
efectividade e escalabilidade en contextos industriais de xestión de inventarios.
A metodoloxía baseada en intelixencia artificial abre novas posibilidades
para automatizar e mellorar a xestión de stocks, podendo escalar a proxectos
industriais de maior complexidade.