Bioplastic A2ML 21 de abr. de 2022

Na actualidade, o plástico é un dos materiais máis usados e estendidos no noso planeta. A pesar disto, segue sendo extremadamente contaminante chegando ao momento de producir efectos irreversibles no medio ambiente. Fronte a iso, este proxecto, propón unha alternativa sostible, produción de bioplásticos, biocompatibles, biodegradables e non tóxicos, mediante a produción de PHA. Este composto é producido intracelularmente por microorganismos da especie Ralstonia eutropha. Este bioplástico é extremadamente versátil sendo útil tanto para a industria medica (marcapasos, puntos de sutura, ferramentas de cicatrización. . . ), como para as grandes multinacionais (tapóns ou outras pezas de distintos tamaños) ou mesmo para compradores individuais que teñan como obxectivo lograr que os envoltorios de produtos sexan 100.
O presente proxecto expón a construción dunha empresa no polígono industrial de Porriño (Vigo). Conta con dúas plantas, que abarcan aproximadamente 1200 m2 nas que se ...definidas, entre elas atopamos: Obtención do substrato utilizado no medio de cultivo a través de residuos vexetais de pataca onde se cultivará a bacteria Ralstonia eutropha durante 24 horas. Tras isto realízase unha precipitación química, seguida da liofilización
das bacterias, extracción do bioplástico, xunto coa súa purificación e secado correspondente. Por ´ultimo, o almacenamento do produto, para o seu posterior empaquetado. Este proceso levará a cabo durante 249 días ao ano.
Co procedemento descrito e utilizando dez fermentadores de 1000 L cada un, prevese unha produción de 1245 kg de PHA ao ano, o que se traduciría aproximadamente en 1 867 500€ bruto/ano.
Como resumo, buscamos establecer unha planta de produción de bioplástico que sexa rendible, ofreza produtos de calidade, achega postos de traballo a distintos traballadores do sector, e asegure un futuro máis sostible substituíndo os plásticos contaminantes por un novo material inocuo para o medio ambiente e humanos.