Adega para a produción de viño tinto coupage ecolóxico con denominación de orixe Rías Baixas 21 de abr. de 2022
Adega para a produción de viño tinto coupage ecolóxico con denominación de orixe Rías Baixas
O presente proxecto sustenta a posta en marcha dunha adega cuxo produto final é un viño coupage ecolóxico que xunta as variedades galegas Mencía, Caíño e Espadeiro a partes iguais asociado á denominación de orixe Rías Baixas.
O uso de biofertilizantes e biopesticidas nas colleitas da nosa materia prima é a característica principal que nos permite designar a etiqueta ecolóxica ao noso produto, lonxe do contacto cos convencionais e normalizados produtos químicos. Tanto os viticultores e viticultoras que colaboran coa nosa adega como todo o equipo, optamos pola máis sostible das opcións para dar lugar a un produto final que combine o coidado do planeta e dos consumidores e consumidoras, cunha alta calidade e boas características enolóxicas.
O produto exhibe notablemente unha procurada énfase que fusiona tecnoloxía e tradicións vitivinícolas, xa que se pretende recuperar o Espadeiro como variedade de uva esquecida. Esta mesma particularidade permítenos realizar unha sinestesia entre...ro, así como do Mencía e Caíño, como aos padais que ata o momento non se toparon coas devanditas variedades locais. Para todo este público estímase unha produción anual de 30.000 litros de viño. A adega na que se elaborará, abarca unha superficie total de 1300 m2 e está localizada no concello de Meaño, Pontevedra, zona de tradición vitivinícola con gran produción de uva de elevada calidade, o que permite un próximo e asiduo contacto con sectores dedicados tanto á viticultura como á provisión da uva.
Dita adega abarca unha planta de produción de 1000 m2 e un edificio anexo de 300 m2 onde se implantaron oficinas, despachos, zona de vestiario e aseo, un laboratorio e unha sala de vendas, exposición e cata. Será o ou a xerente quen coordine tanto a parte temporal do persoal, formada por persoas traballadoras eventuais, como o persoal fixo, representada por unha persoa cualificada cun grao de bioloxía especializada en enoloxía, unha persoa dedicada á recepción e persoal administrativo.
