Queixo fresco ecolóxico galego 21 de abr. de 2022

O queixo fresco é considerado unha opción nutritiva e saudable dentro da gran variedade de queixos que existen no mercado. O seu nivel alto en proteínas e o seu contido baixo en graxas e hidratos de carbono convérteo nunha elección ideal en multitude de dietas (sobrepeso, diabetes...), e o seu sabor característico permite o seu emprego tanto en pratos salgados como doces.
Doutra banda, de acordo coa Organización das Nacións Unidas para a Alimentación e a Agricultura (FAO), a gandería xera o 18 % de todas as emisións de gases de efecto invernadoiro, polo que para facer fronte ao cambio climático é necesario que, cada vez con máis urxencia, o sector conciencíese a utilizar dunha forma máis óptima e racional os recursos, respectando o medio ambiente.
Baseándonos nas premisas anteriores, o noso grupo de traballo decidiu emprender o proxecto Freconut, que se basea na elaboración de queixo fresco a partir de leite ecolóxico de vaca, ofrecendo unha alternativa de consumo de produtos loc...orar un produto a partir de leite fornecido por ganderías de proximidade pero comercializado principalmente pola empresa LARSA. Así mesmo, exponse un posible acordo empresarial coa compañía Vascolac para a venda e aproveitamento dos residuos de soro.
Así, a actividade produtiva levará a cabo nunha nave de 2400 m2, na que se manufacturarán 5.000 kg de queixo ao día de luns a sábado, a partir dunha subministración de 30.000 L de leite diarios. A planta de produción situarase no Parque empresarial As Gándaras, rúa H, 27003, Lugo e distribuirase de forma que se eviten contaminacións, incluíndo un sistema de desinfección polo que é necesario pasar para entrar á sala de manufacturación. O proxecto inclúe a maquinaria necesaria para levar a cabo todos os pasos do proceso de produción, así como a higienización e análise do leite que garanten unha óptima calidade do noso produto. Para a súa posta en marcha estimouse un orzamento inicial de 660.000 € e un persoal de 20 traballadores.