Ortotipografía e Tradución 10 de xuño de 2010

Esta Pílula TeP gravouse e editouse na rede para a súa presentación como relatorio noVII Congreso Internacional de Tradución: Os elementos paratextuais en tradución. No Congreso o Grupo T&P presentou 10 contribucións como pode comprobarse no Programa del Congreso. Nesta pilula, José Yuste Frías afianza o concepto de «paratradución» ofrecendo en pantalla unha aplicación práctica do mesmo na tradución dos aspectos tipográficos nos libros infantís. Para asegurar o éxito da tradución dun libro infantil, o tradutor debe ler e interpretar cada un dos elementos textuais e paratextuais que constrúen o imaxinario da obra que traduce: as palabras, as imaxes, os sons, os movementos e ata os cheiros presentes en cada texto e en cada paratexto. Un tradutor traduce textos e paratraduce paratextos. Para todo/a tradutor/a, o concepto de paratradución creado en Vigo resulta de gran utilidade á hora de intentar describir e definir esa zona imprecisa e indecisa no tempo tradutor e no espazo editorial nos cales se sitúa sempre o profesional da tradución cando vai publicar, por fin, o seu traballo.